..........وصية جدي .........

لليوم ما دق الباب
لليوم ما أجانا جواب
لليوم وإحنا بنستني
مر العمر وقتلنا الغياب
مسكين يا فلسطيني
أخذوك للبحر ورموك
وضحكوا بوجهك
وضحكوا بوجه اللي سرقوك
هدول عربنا جماعة
شجبنا واستغربنا
كلمتهم مجملها انسحبنا
ولليوم بقولوا جايين
لليوم مش ناسيين
لليوم بتحاكوا باللي جاي
بجيل اصفر مثل الشاي
بجيل سوبر ستار
بجيل خلف ولم خلف
أجاله البكر حمار
إلا ما رحم ربى
من شب شايب ختيار
دفنه الصبر عباب القهر
ولد هزيمة دمرت هالدار
فكر بيوم حسرتنا
فكر بالعودة
والعودة والفتنة نكبتنا
جدي مرة قال :
هذا وطن ما بتحرر بالأقوال
بتذكر شردوني وأسروني
وذبحوا كل اللي بحبوني
بتذكر مرة خطفوني
وقالوا :تبيع وله تهاجر مثل القطيع
قلت : اهدموا بيتي .. احرقوه
معي مفتاح راح يبقى بجبتي
هذا إلك ما تضيعه
وإذا ضاع يا جدي ..؟
خليك صامد وما راح يضيع
أنت بطل واسمك مقاوم
وأحفظ بذكرتك ورددها
قضيتنا ما بترجع وأنت نايم