حبيبي راجل محترم جدا يمكن محترم ذيادة عن اللزوم شوية اقولكم اية والا اية عنة وعن احترامة بيني وبينكم انا جاية احكلكم وتقولولي رايكم وتساعدوني
الاول لازم اعرفكم بية هو ؟؟؟؟؟؟؟؟ طبعا عارفينة اشهر من نار علي العلم الكل بيحبة ويحب كلامة وقعدتتةة ويا سلام بقي لو القعدة فية شوية من الجنس الناعم
تسمعو منة احلي كلام وتشوف رقة اية وحنيتة اية وهاتقولو بينكم وبين نفسكم دية اكيد ظالمة ومفترية علشان تشتكي من ملاك زى دة والحقيقة عندكم حق هو ملاك
والملاك مش لية مكان وسط البشر وانا بشر اعمل اية اعمل عملية واحول ولا اعمل اية هيجنني اقولة انا بحبك يقولي عادى مانا عارف مهي كل الناس بتحبني
اقولة تعال نخرج نتفسح يقولي لا انا هاتفرج علي الكورة مش فاضي اقولة انا بحبك وعاوزة اخرج معاك واتمشي معاك وسط الناس كدة يبصلي ويقولي
من حقك لازم تتفشخرى بيا وسط الناس اقولة يعني اعمل نشرة واقول بحبك وعاوزة اتجوزك يقولي ومالة قولي وبعبرر هو حد واخد منها حاجة هيجنني اعمل اية
انتم سمعتو اغنية الراجل دة هايجنني باين شويكار كانت حاسة بالا هيحصلي معاة ؟؟
وبعدين ربنا يهدية ونخرج وطول السكة يا اخواتي ساكت مش بينطق ولا بيتكلم اقولة مالك اتكلم سمعني صوتك يقولي اقول اية اتكلمي انتي وافضل اتكلم واتكلم لحد ما الكلام يتعب
وبعدين نفضل علي كدة طول السكة ونروح ونرجع وانا مش سمعت منة كلمتان علي بعض ويا سلام بقي لو احنا ماشين كدة وقابل حد من اصحابة الاقي الاستاذ بقي برابنت ومش مبطل كلام
اقولكم اية بس عنة راسي وعاقل وكلامة محسوب بالملي يضحك بحساب ويتكلم بحساب بس بيني وبينكم احن واطيب واحد في الدنيا لما بيتكلم ودة بيحصل فين وفين ايام اعياد او مناسبات قومية
بيكون كلامة شعر واحلي كمان لانة بيطلع من قلبة وبعد طول عشرتي معاة اقدر اقول لكل البنات مش لازم نفرح بالكلام المعسول والمتزوق لا لازم نفرح بالاحساس والحب لما يكون طالع من قلب
مليان بالحب حتي لو مش بتكلم وبيقول بس كل افعالة بتقولك وبتصرخ انة بيحبك
و وهنا بفتكر جزء من قصيدة نزار بصبرى نفسي بيها
احبك احبك جدا وجدا وجدا
وارفض من نار حبك ان استقيلا وهل يسطتيع المتيم بالحب ان يستقيلا
وما همني ان خرجت من الحب حيا وما همني ان خرجت قتيلا
الجمعة 27 مارس 2009, 11:16 pm
